中文 – 名詞（學校，天氣 ，太陽系）
繼續做啲簡單的詞語練習！有寫有圈有重組句子,希望小朋友除咗認得個字之外,仲要識得寫! 今次的名詞練習有以下３個主題： ✅ 學校 ｘ２✅ 天氣 ｘ２✅ 太陽系ｘ１
數學 – 加減數應用題 (拆解)
加減數運用最難的就係解題！我自己細個時一做到啲哥哥比弟弟大幾歲的題目就好驚😅😅而家輪到小兒，決定要先幫佢打好基本功💪🏼💪🏼💪🏼用圖解方法來拆解題目😊 應用題基本上分咗四類： ✅ 加數應用題✅ 減數應用題✅ 未知數應用題✅ 比較式應用題 頭兩類最直接，最簡單😉一般都係問你「共有」「原有」「剩下」之類。後兩類的問題無咁直接，通常會兜一個圈問，所以小朋友要識得解題😄利用呢個簡單的圖解，就能輕而易舉咁拆解題目✌🏻 頭三種題目都係環環相扣的，同一條問題可以有三種問法！小朋友只要明白到他們相互關係,自然就能拆解所有題目啦!
常識 – 國家通識 (一) 國家元首, 名勝, 國旗
呢排睇新聞，成日都聽到好多國家元首的名😅早排成日聽到約翰遜個 名，呀仔無啦啦識咗😎做咗呢個同國家有關的通識學習Study Set，學下啲輕鬆主題先！✅ 國家元首 (2020年4月) x12個✅ 國家名勝 x 12 個✅ 國旗 x 20個
教學分享 – 懶人過膠法
除咗用過膠機過膠,仲有一個方法可以做到同樣效果!一樣快靚正🤪方法好簡單,只係需要用透明膠膜,又或者可以叫做轉移膜!好處係快,而且貼咗上去張紙上面,可以撕返出來…(貼錯都唔怕)同過膠一樣,可以用白板筆係上面寫字!性價比膠片過膠高,但比較方便同flexible🤭建議可以用係啲較細的字咭上!好似上次介紹的四素句概念,因為想小朋友可以重複玩…把生字剪咗出來蓋上膠膜,生字可以重複使用,咁就可以玩多幾次,唔洗次次剪啦🤗 一卷45cm x 2米的透明膠膜大約HK$15左右! (未計運費)