K1小朋友到底要學咩呢？雖然話唔洗執筆，但係都真係有好多嘢要學，中文，英文，數字，顏色，邏輯，時鐘，相反詞等！除咗智識上，仲要學習自理能力！一邊自製教材，一邊陪伴兒子學習成長真的很有趣！今次將過去一年學習過的東西重新整理，跟大家分享！之前錯過咗既，今次唔好錯過啦，一頁好收藏😍 中文認字咭及工作紙 (適合K1幼童) Topic Flashcard/認字咭 Exercises/ 練習 基本中文生字 32個基本中認字咭中文筆順(基本20個) 生果 生果認字咭(1)生果認字咭(2) 初階練習(2選1)進階連線練習 動物 動物認字咭 初階練習(2選1)進階連線練習 交通工具 交通工具認字咭 初階練習(2選1)進階連線練習 職業 職業及工作地點認字咭 […]
有無試過叫佢數「數字」數完1,2,3,4,5…問有幾多個，佢會答3個呢😂呢件事經常發生，明明數到5，點解會答3！可以試下呢個多元智能數「數字」練習,一共有三個階段:初段: 認數字圈圖畫 x 2款中段: 圈數字 (3個選擇) x 3款進段: 連線 (5個選擇) x 5款 我自己做咗2款,Mini款（A5 size)過咗膠可以拿出街玩！正常A4 size可以配合transparency 係屋企玩！我個仔好無耐性,,中以一張紙唔可以有太多嘢,太多唔同嘢佢會分心,之後就唔同我玩啦!有興趣自己print出來比朋友玩下啦!
教睇鐘又係另一個挑戰!其實玩具時鐘我都買咗2個,不過真係玩…因為時針分針都可以轉,呀仔就會係咁轉,唔專心!靜咗落來再諗,教小朋友唔可以心急,於事做咗呢個小時鐘同半小時鐘,2個鐘都係得一支針可以轉…就係咁終於識咗…下一步就係學Quarter Hour (15分同45分), 之後就要學1=5分鐘, 2=10分鐘…因為要識咗呢樣先可以教到英文講法! 就咁學可能有啲悶,可以做啲情景咭去配合,比如7點起身,8點食早餐,10點去Playgroup等等… 都唔記得以前自己細個係幾時同點樣學識睇鐘呢?爸爸話睇得多就識架啦… -___-“
係時候練習下寫字啦！做咗呢本數字CopyBook，一共有三行 ✅第一行跟筆順寫✅第二行跟虛線寫✅最後一行得起筆嗰一點 由淺入深，已經排好版，底面print出來，對摺加粒釘就變咗本A5書仔啦! Print出來時記得set:– Landscape– 2 sided (Short Edge Bind Open to Top/Left)– Staple (2 Center)或可以自己手動釘 *如果Print咗Long Edge Bind, 本書就會唔順次序啦!
識得數1-20啦…有無識過問小朋友2 *️⃣ 3，中間漏咗個咩數字？唔識答，但由頭1字開始就識數🤦🏻♀️第二次做多元智能數字練習，一共有三款： Count & Chart x 2 More & Less x 4 What comes between x 4 ✅練習簡介：第一款：Count & Chart 數完可以吸印，油顏色或畫「X」之後再問小朋友邊樣嘢最多或最少，有幾多個？用手指打橫睇下個數字！第二款：More &
學識咗寫1-10,練習的變化可以多少少 啦,唔洗成日都係圈同連線,不如試下寫下而家幾多點啦!睇下係咪可以活學活用先!
嘗試教加數啦,先學1-10以內,開始時未有加數的概念,不明白什麼是A+B, 諗咗好耐應該點樣入手會好啲,試過做一張A4紙(1頁4題)但好明顯好混亂!結果把呢4條分開,逐條逐條做!又試過之前得數字,但係唔明白點解要將啲貼紙放同一面,最後加咗啲碟呀樽呀之類,叫佢第一個樽有2粒糖,第二個樽有1粒糖,而家加埋有幾多粒呀?咁樣比較容易明白+號的左右要貼唔同的貼紙! 做法 – 因為想玩完再玩,所以設計上用咗魔術貼!! 先把題目剪出,過膠,切圓角 (為咗慳膠片,我係雙面的) 把圓形魔術貼貼在數字上,例如樽的數字是2, 則貼2個圓形魔術貼,如此類推 把糖果,蛋糕等沿邊剪出,過膠後再貼上魔術貼 最後把正方形數字剪出,過膠,切圓角,背面貼上魔術貼 玩得啦!
成日問我個仔2跟住到咩呀？12345678910…..我知你識數1-10，咁2之後呢？又由頭數過🤦🏻♀️都唔知係我條問題問得差，定係佢的數感差🙈做咗呢個砵砵火車數字排序練習，希望佢明白數字的連系，就好似火車咁，一卡接一卡，一個接一個😉我自己希望可以互動啲，所以用貼貼樂的方法玩，大家可以成張print出來直接寫數字都得！16卡小火車包1-20以內的排序🤞🏼
