十以內的加數已經學習咗一段時間，係時候開始學習多過十的加法啦！呢個concept有少少難教，因為要進位😅基本先以「湊十法」來教小朋友呢個concept! 比如「8 + 4」要教小朋友轉化成「10 + 2」咁就容易啲加啦！所以小朋友要知道甚麼數字加埋等如10🤗
試過用積木，教口令🙈不過最快最有效的方法都係「遊戲學習」😂😂玩咗兩次基本已經記得晒！好過背口令n倍😅
細個時我地係用「撲克牌」玩的，今次做咗呢套數字咭（44張）包括0-10數字…以遊戲的方法學習湊十法，2-3人一齊玩，好快就學識👍🏼
「湊十」遊戲玩法（2-3人對戰）-釣魚適合4-5歲
- 數字咭沿黑線剪出過膠（一共44張）
- 枱面上放10張咭（10條魚）
- 每人派5張咭(初玩可以派3張)
- （輪流對戰）如果手中的咭能跟枱面上的咭湊成10，如「1-9, 2-8, 3-7, 4-6, 5-5, 0-10」就成功釣到魚啦😍
- 如果手上的咭沒有一張能湊成十，就要從蓋著的牌中摸一張咭！
- 這張咭如果能跟枱面上的咭湊成十，可以成功釣到魚！如果摸回來的咭不能跟枱上的咭湊成十，就要直接放在枱上！（摸取的牌不能更換手中的牌）
- 直到所有魚都釣完，大家可以數下自己一共釣到幾多條魚！多者勝🤗
呢個係簡化版，跟用撲克牌的玩方有少少唔同！如果唔用數字咭，可以直接用撲克牌玩，只要拿走10, J, Q, K（共36隻）就可以玩啦！
