升咗上K2已經2個月，每個星期的功課都係寫生字✍🏽中文，英文，數字…開頭以為有copybook之類的虛線練習，原來只係得一個格仔！特別係寫中文字時，啲比例完全唔啱，東歪西倒！諗咗好耐都係覺得「田」字格仔比較適合！做咗一個簡單的寫生字練習，配上4個相關詞語！後面有2.5×2.5cm田字格仔可以繼續練習！第一波生字有10個———「天，上，大，小，火，日，木，中，口，手」開開心心學寫字😆 （1）天，上，大，小，火 （2）日，木，中，口，手
繼續中文生字基本筆順練習第二波🤘🏼今次包括下面10個基本生字「月，水，人，女，牛，下，羊，田，土，士」前面有4個相關詞語，後面有2.5×2.5cm田字格仔可以繼續練習！改良版每行留咗2個空白格仔👍🏼開開心心學寫字😆 月，水，人，女，牛 下，羊，田，土，士
中文筆順練習改良版B5 size😅之前的A4 size太大張，唔好寫！所以做咗書仔款！配合8-9個中文詞彙，另有筆畫及部首🤗Print唔到書仔，可以print做A4 size再摺一半！好似功課簿咁…好寫好多👍🏼寫完仲可以用來複習詞語😃
昨天接放學,老師話要溫下生果本書,因為好多小朋友都唔記得晒啦!應老師所求,做咗個簡單的中文水果練習🍎🍐🍊🍋🍓🍇🍉🍌🍒🍑🥭🥝!複習水果之餘順便複習簡單名詞!因為中文字太深,未識寫!所以生果詞語要剪貼或者好似我咁用Label🙈
放假在家，康文處啲室內活動室同圖書館都無開，就連屋企的Club House都唔開，留係屋企無所事事，教啲新嘢先🤪既然春節來了，就教「春天來了」的有關中文詞語吧！除咗有簡單中文詞語，都有簡單的中文句子！今次的中文Flashcard呀仔問點解無圖畫既？係呀而家開始無圖畫，大個仔啦😆得中英對照🙈 ✅ 「春天來了」非書仔 ✅ 24個中文詞語Flashcard (中英對照,無圖畫) ✅ 中文生字練習 x 10題 ✅ 中文重組句子練習 x 5 題
繼續停課不停學💪🏼學咗最基本嗰啲中文字，做個練習玩下先！唔係又同我講「又寫」🙈有部分中文字的筆劃唔見咗，小朋友可以加上正確的筆劃，另其變成正確的字詞🤗小遊戲，希望讓小朋友愉快地學中文🤞🏼
用咗2星期,第一套「春天來了」的生字已經學識啦! 開始第二個單元啦! 今次主為「上學去」除咗有簡單中文詞語，仲有簡單的中文句子！中文Flashcard都係無圖畫!得中英對照🙈 ✅ 「上學去」非書仔 – 下載✅ 40個中文詞語Flashcard (中英對照,無圖畫) – 下載 ✅ 中文生字練習 x 10題 – 下載✅ 中文重組句子練習 x 10 題 – 下載
中文筆順練習改良版!今次都係B5 size不過改咗用較近書法字的標楷體(多謝提供意見的媽媽🙇🏻♀️）呢個都係香港小學習字表用的字體！寫之前可以先看看筆順喔😅跟之前一樣係書仔款！配合1-3個中文詞彙，另有筆畫及部首🤗Print唔到書仔，可以print做A4 size再摺一半！好似功課簿咁…好寫好多👍🏼寫完仲可以用來複習詞語😃
中文字的結構真係好有趣，由唔同的部件左右，上下等拼出來！學識咗啲基本的中文生字如「口，木，月，火」可以開始學把2個部件放拼埋一齊啦☺️識得拆個字，好快就會認得個字！記得呢個係拆字遊戲唔係部首喔😅
