識得數1-20啦…有無識過問小朋友2 *️⃣ 3，中間漏咗個咩數字？唔識答，但由頭1字開始就識數🤦🏻♀️第二次做多元智能數字練習，一共有三款： Count & Chart x 2 More & Less x 4 What comes between x 4 ✅練習簡介：第一款：Count & Chart 數完可以吸印，油顏色或畫「X」之後再問小朋友邊樣嘢最多或最少，有幾多個？用手指打橫睇下個數字！第二款：More & Less先複習寫數字，然後叫佢圈較多嗰面（或圈較少都得）🤞🏼仲有一個難少少,係全數字，要圈最細/最大的數字！第三款：What comes between 呢個最難教…開頭試中間漏空，完全唔知做咩，改良版中間放咗個好淺色的「虛線」數字，希望佢先明白咗個玩法,下次的加強版就可以真係漏空比佢玩啦!
嘗試教加數啦,先學1-10以內,開始時未有加數的概念,不明白什麼是A+B, 諗咗好耐應該點樣入手會好啲,試過做一張A4紙(1頁4題)但好明顯好混亂!結果把呢4條分開,逐條逐條做!又試過之前得數字,但係唔明白點解要將啲貼紙放同一面,最後加咗啲碟呀樽呀之類,叫佢第一個樽有2粒糖,第二個樽有1粒糖,而家加埋有幾多粒呀?咁樣比較容易明白+號的左右要貼唔同的貼紙! 做法 – 因為想玩完再玩,所以設計上用咗魔術貼!! 先把題目剪出,過膠,切圓角 (為咗慳膠片,我係雙面的) 把圓形魔術貼貼在數字上,例如樽的數字是2, 則貼2個圓形魔術貼,如此類推 把糖果,蛋糕等沿邊剪出,過膠後再貼上魔術貼 最後把正方形數字剪出,過膠,切圓角,背面貼上魔術貼 玩得啦!
成日問我個仔2跟住到咩呀？12345678910…..我知你識數1-10，咁2之後呢？又由頭數過🤦🏻♀️都唔知係我條問題問得差，定係佢的數感差🙈做咗呢個砵砵火車數字排序練習，希望佢明白數字的連系，就好似火車咁，一卡接一卡，一個接一個😉我自己希望可以互動啲，所以用貼貼樂的方法玩，大家可以成張print出來直接寫數字都得！16卡小火車包1-20以內的排序🤞🏼
話咁快就升K2啦，呢一年過得好快，眨下眼就升班啦！唔想浪費咗個暑假，做咗5份練習，一星期一份，每日2頁！主要都係複習呢一年學過既嘢，炒雜錦咩都有😝 ✅中文（基本中文生字，生果，我的身體，顏色，動物交通工具）✅英文（Aa-Zz Revision, My body, animals, foods, opposition words, Trace the words, sports, basic verbs, occupations, beginning words) ✅數學（count and write/ match, 數字排序，加數）✅時鐘✅故事排序✅邏輯思考（物件分類，物件排序）✅繪畫線條
