就快踏入K3啦,教咩好呢?係醫院時,成日解釋比佢聽佢個腎病咗,又解釋比佢聽個腎要來做咩,踏入K3的第一波,就教佢我的身體啦!之前K1-2教過最基本的身體詞語,如眼,耳,口,鼻…K3啦,除咗學詞語,仲要學埋各樣器官的簡單功能…深入淺出…希望唔會嚇親小朋友啦!書仔內容包括:  📚 B5書仔(已經排好版,底面印,從短邊翻頁) ✅人體的器官(加強版)✅牙齒✅消化系統✅骨骼系統✅呼吸系統📚 中英對照Flashcard 📚 工作紙 x 5 pages

之前教咗SUM UP TO 1-10, 同埋用Timeline去計加數!明白咗基本的加數概念!踏入K3啦,試下另一種方法去做加數,目標係希望可以加快計數的速度,唔洗每條都畫圖! 利用Counting on的方法,先找出比較大基數,再向前行1-5步!暫時呢一刻,先唔教咩叫進位,只係想佢學識數向前! 第一波先做加1至5…想佢重覆練習,又唔想佢話悶,所以做左唔同形式的練習,希望有少少變化!  因為想佢重覆做,今次用咗膠膜貼咗係答案欄,做完擦咗去下次可以做過!一拿出來就可以做,唔洗再放入File,同埋高清啲!開頭嘗試用膠膜貼成張A4紙,但範圍太大,好難貼,所以只係貼答案欄! ✅ 基本加數 – Counting On 1-5 (Single Exercises) ✅ 複合練習 (Revision)已排好版，雙面印，從短頁翻

呢個其實係小一的程度，不過見啲字又唔難，亦唔難學，所以就先教啦！「並列覆句」係作句子的基礎同技巧，有時亦會用來擴充句子！呢一類型作句技巧，真係有巧多！先來學住啲基本先🤗其實唔難理解，而且成日都會講，所以好易上手！內容包括： ✅ …也…✅ …有的…有的…✅ …一面…一面…✅ …有時…有時…✅ …一會兒…一會兒…✅ …又…又…

不經不覺踏入我最喜愛的秋天，又係時候來學下「秋天來了」的詞語😅呢個係中文Study Set的第七單元，每個單元學少少詞語同句子技巧，希望為升小打好中文基礎！今次，一齊來學下秋天的天氣，活動和動物😛內容包括 ✅ 中文詞語Study Set – 秋天來了（書仔) ✅ 中文Flashcard 36個 (中英對照) ✅ 重組句子練習

 升上K3啦,唔只係寫生字啦!而家啲中文功課,要開始配詞啦!呀仔間學校其實係Happy School…有啲學校K2已經開始咗配詞練習啦!不過詞彙唔夠,其實好難做到呢個練習!儲咗2年的生字,應該可以試下玩啦!相信,好多都係識講唔識寫!到K3的下學期,要配句子添啦!

「偏傍」同「部首」其實係唔同! 之前用拆字練習來學習偏傍! 把合體字的結構部件拆出來!比如「話」字,由「言」字和「舌」字兩個偏傍組成! 來到K3可以開始學部首啦!部首字係形聲字的形旁,如「林, 樹, 村, 枝, 根」大家都係「木」字部! 教小朋友部首時,可以看成係一個首領,帶住一對對員! 第一波書仔有9個部首,包括「木, 力, 口, 雨, 艸, 食, 土, 水, 米」部首以紅色顯示! 每個部首有5個字及配詞! 配合筆順可以練習寫字!

一步一步學完加數,又做下啲混合題先!全部係雙位加數,有進位有不進位的!另外有橫式題,想小朋友自己學習寫直式!最後仲有中文應用題,小朋友要先理解題目,寫算式,再計答案! 完成就開始學習減數啦!

中文字真係好豐富！如果要細分詞類，可以有十幾種咁多！由最簡單嗰兩項入手先😅名詞同代詞！我問呀仔咩係名詞呀？佢答我「摸得到嗰啲囉」🤣雖然唔啱得晒，不過都唔可以話佢錯既！同樣代詞都有好多種，人物、時間、疑問….教學主要為小一備戰，所以唔會去鑽研太深！只希望小朋友明白基本，打好中文底子👍🏼 學習內容包括： ✅ 名詞（人物、動物、植物、地方、交通工具、物件）✅ 人稱代詞（你、我、他）✅ 人稱代詞 – 多數（你們、我們、他們）✅ 指示代詞（這、那）✅ 疑問代詞（誰、哪、甚麼、怎樣） 教學書仔雙面設計，每個主題後配有延申小練習！雙面印刷，由短頁翻！另外附上6頁對應練習👍🏼