原來對一個4歲半的小朋友來講,要畫對稱圖都唔係想像中咁容易😅最近收到老師啲功課,係畫對稱圖先發現厡來佢係唔識做架！做咗呢個繪畫對稱圖形的練習🤗遊戲包括:  ✅ 找出另一半圖形 x2頁✅ 畫一條線把圖案分成等半 x2頁✅ 把圖畫的另一半畫出來 x3頁

第五個單元中文詞語「夏天來了」來啦！踏入6月，天氣越來越熱啦，呢個主題非常貼地😂除咗教夏天的天氣外，仲有夏天的活動同應該著咩衫😅夏天經過會打風落雨，順便介紹埋香港的風球同暴雨警告信號，仲有簡單解釋點解會行雷🤣 最後當然唔少得學埋衣物的量詞啦🤘🏻如果下載唔到,可以嘗試長按再選擇在新頁開啟 (Open in new tab)✅「夏天來了」書仔 – 下載✅ 36個中文詞語+6個量詞Flashcard – 下載✅ 中文部件練習 – 下載✅ 中文重組句子練習 x 10題 – 下載💕書仔已經排好版，要底面印，從短邊翻頁🤘🏻

已經學咗好多個量詞,係時候做一個小練習啦!一共做咗三個Level… ✅ 填數字,圈量詞✅ 圈量詞,配對詞語✅ 全文字題,選擇量語(把代號填上)

十以內的加數都已經做得七七八八，係時候教多個十的加數啦！今次要教小朋友以「湊十法」來計！湊十法是要把數字先湊夠十，咁樣就會容易啲加！起初時先用「數字咭」以遊戲方法教識湊十法！再利用「神奇魔術方塊」輔助！把數式砌成10+一個單位數，咁樣就可以容易啲計啦！比如: 9 + 3 = 10 + 2 = 12 ✌🏻 呢個階段，仲未識得心算，所以如果用呢啲方塊粒輔助，係起步上會有幫助🤗

讀咗咁多個中文主題學習,識咗唔少中文生字啦!做一個炒雜錦的重組句子練習,考下小朋友係能唔能夠學以致用先!練習包括4個主題:– 在動物園– 在家中– 工作職業– 超級市場

學咗咁多生字,最重要都係可以活學活用!有媽媽同我講,小朋友讀Flashcard上面的字係無問題,但係同一個字,係第二度出現就唔識啦…得閒可以做多啲唔同主題練習,睇得多,慢慢就能活用啦!

呢個練習係小朋友入院前已經做好，因為唔能夠隨時隨地都同佢玩「百數板」所以做咗呢個識數練習，原意係比佢在停課時玩既😪可惜，未做完已經入咗院…雖然小朋友仲未出院亦未搵到病因…不過情況已經穩定咗少少…係醫院的時間真係好難過…時間太多，活動太少…又唔想小朋友沉迷電子用品！見手上面的豆豆拆咗，就拿返出來比佢做！純粹想打發時間…唔好以為我係虎媽😅K2來講,主要係教小朋友識數!提升小朋友對數字的興趣同數感…為將來的運算打好基礎!百數板以遊戲方式來提高小朋友的興趣,而且可以重複練習,互動性比較強!用來教K1-K3的小朋友非常合適… 入面的練習都係由「百數板」演化出來！暫時玩唔到百數板，唯有做住呢個練習先啦💪🏼💪🏼 1-100以內的數字規律 x2pcs1-100以內的數字排序 x2pcs1-20以內的單雙數字 x1pc1-100以內的順數和倒數 x1pc活用阿拉伯和中國數字 x1pc1-50以內的數字排序(俄羅斯方塊) x1pc1-100以內的數字排序(俄羅斯方塊) x2pcs

好耐都無讀過中文詞語啦!剛剛出院😅做咗個簡的題材「愛護地球🌍」!主要都係想小朋友明白不要隨便浪費,減少製造廢物,重用回收…配上一個小遊戲,讓小朋友學習垃圾分類!當然仲有中英對照的Flashcard! ✅ 中文詞語Study Set – 愛護地球 (書仔) ✅ 中文Flashcard 20個 (中英對照) ✅ 垃圾分類練習 ⚠️書仔為B5 size,直接底面雙面印刷即可！⚠️如開唔到連結，可以嘗試長按link然後在新視窗開啟或直接copy網址在新頁開🙏🏻