升上K3啦,唔只係寫生字啦!而家啲中文功課,要開始配詞啦!呀仔間學校其實係Happy School…有啲學校K2已經開始咗配詞練習啦!不過詞彙唔夠,其實好難做到呢個練習!儲咗2年的生字,應該可以試下玩啦!相信,好多都係識講唔識寫!到K3的下學期,要配句子添啦!

「偏傍」同「部首」其實係唔同! 之前用拆字練習來學習偏傍! 把合體字的結構部件拆出來!比如「話」字,由「言」字和「舌」字兩個偏傍組成! 來到K3可以開始學部首啦!部首字係形聲字的形旁,如「林, 樹, 村, 枝, 根」大家都係「木」字部! 教小朋友部首時,可以看成係一個首領,帶住一對對員! 第一波書仔有9個部首,包括「木, 力, 口, 雨, 艸, 食, 土, 水, 米」部首以紅色顯示! 每個部首有5個字及配詞! 配合筆順可以練習寫字!

一步一步學完加數,又做下啲混合題先!全部係雙位加數,有進位有不進位的!另外有橫式題,想小朋友自己學習寫直式!最後仲有中文應用題,小朋友要先理解題目,寫算式,再計答案! 完成就開始學習減數啦!

中文字真係好豐富！如果要細分詞類，可以有十幾種咁多！由最簡單嗰兩項入手先😅名詞同代詞！我問呀仔咩係名詞呀？佢答我「摸得到嗰啲囉」🤣雖然唔啱得晒，不過都唔可以話佢錯既！同樣代詞都有好多種，人物、時間、疑問….教學主要為小一備戰，所以唔會去鑽研太深！只希望小朋友明白基本，打好中文底子👍🏼 學習內容包括： ✅ 名詞（人物、動物、植物、地方、交通工具、物件）✅ 人稱代詞（你、我、他）✅ 人稱代詞 – 多數（你們、我們、他們）✅ 指示代詞（這、那）✅ 疑問代詞（誰、哪、甚麼、怎樣） 教學書仔雙面設計，每個主題後配有延申小練習！雙面印刷，由短頁翻！另外附上6頁對應練習👍🏼

偏傍部首練習(二)來啦!今次再學8個部首, 包括「目, 心, 言, 火, 手, 人, 火, 灬 」部首以紅色顯示! 每個部首有5個字及配詞! 配合筆順可以練習寫字!

學完減數又來做下練習先！預備咗2個，先做唔洗借位的，之後可以做要借位的！再來就要做加減混合數😅

之前敎咗好多名詞,動詞,今次試下學形容詞先!主要係形容名詞的字!一共有20個形容詞加20個詞語!可以用字咭來玩下配對遊戲,教導小朋友形容詞時,可以鼓勵小朋友自己諗下呢個形容詞仲可以形容咩呢?另外仲有４頁工作紙可以自行下載。

K3學習乘數好似就早咗啲,不過可以先學下乘數的概念,利用Grouping來數數!以2個,5個及10個一圈,數一數😅