第三個單元中文詞語「動物園」來啦！今次用咗書法字體來做，另外加插咗形容動物的「形容詞」同「量詞」！仲有簡單的中文句子！中文Flashcard都係無圖畫!得中英對照🙈今次的練習除咗有簡單的重組句子，仲有簡單的閲讀理解題！得文字無圖畫，希望唔會驚咗！ 停課不停學💪🏼💪🏼✅「動物園」書仔 ✅ 40個中文詞語Flashcard✅ 中文簡單閲讀理解題 ✅ 中文重組句子練習 x 10題 書仔列印方法: 底面印,記得要揀Short Edge
成日都講四素句,做咗呢個簡單的四素句概念比小朋友玩下!之所以係概念,因為主要並唔係想小朋友懂得作句,只係想小朋友懂得分別詞語的類別 — 是時間, 人物, 地點, 還是事情。 1️⃣首先把12個詞語剪下。2️⃣按其詞語的類別分別放在四素格內。3️⃣把適當的詞語，按時間，人物，地點及事情組成完整句子。4️⃣最後，加上標點符號。 學會這個基本的概念, 對將來造句奠定基礎!🤗
之前做咗英文版的My Words Family, 把相類近的英文生字放埋一齊學!今次試下中文版先😊好似中文拆字咁,簡單做成一本迷你書,得閒翻一翻,學習就係咁簡單! 中文詞語拆字 – 隨手翻迷你書✅ SET 1 – 火, 氵, 土, 目, 言 ✅ SET２ – 扌,亻, 女, 口, 木 製作方法:1）大小長方形剪出2）沿虛線對摺一下3）大長方形放最底，flip me 放最面，其他小長方形逐張貼在Glue Here！（懶人方法，㩹齊後一次過釘好）
第四個單元中文詞語「跟媽媽到市場」來啦！今次想帶小朋友到市場,認識一下市場上會見到的東西!來到市場,會見到海鮮,蔬菜,生果,肉類,雞蛋…簡單的生果詞語已經學識咗,今次教啲新的詞語先!榴槤,熱情果, 柚子…今個單元重手咗,有70個生字…唔知要教幾耐先識晒呢? 另外加插咗啲「量詞」同簡單的中文句子！中文Flashcard都係無圖畫!得中英對照🙈今次的練習除咗有簡單的重組句子，仲有簡單的閲讀理解題！ 停課不停學💪🏼💪🏼 ✅「跟媽媽到市場」書仔 ✅ 68個中文詞語+8個量詞Flashcard✅ 中文簡單閲讀理解題✅ 中文重組句子練習 x 10題
中文詞語Study Set做咗4 sets,詞彙開始夠做一啲簡單的閲讀理解題啦!今次呢個文字解説,係想考下小朋友對中文字詞的理解!睇下小朋友能唔能夠找到其中的錯處,再貼上正確的詞語!
K2上學期寫中文單字,到下學期就開始要寫中文詞語!之前雖然有詞語,不過都係寫單字!😅呢啲詞語的筆畫都好簡單,都係之前的單字拼拼湊湊而成!今次做咗一共60個詞語😊唔知今年復唔復到課🙈為升上K3做好準備💪🏼
用咗中文字型結構磁石板教寫字,又係時候做下呢個練習,考下小朋友對中文字型結構的認識啦!要知個字的擺位先可以寫到一個靚字,唔會東歪西倒! 有時都會用方格呢個中文字型結構磁石板,將佢個肉酸字寫入格中,做個錯誤示範…真係好有用!
第五個單元中文詞語「夏天來了」來啦！踏入6月，天氣越來越熱啦，呢個主題非常貼地😂除咗教夏天的天氣外，仲有夏天的活動同應該著咩衫😅夏天經過會打風落雨，順便介紹埋香港的風球同暴雨警告信號，仲有簡單解釋點解會行雷🤣 最後當然唔少得學埋衣物的量詞啦🤘🏻如果下載唔到,可以嘗試長按再選擇在新頁開啟 (Open in new tab)✅「夏天來了」書仔 – 下載✅ 36個中文詞語+6個量詞Flashcard – 下載✅ 中文部件練習 – 下載✅ 中文重組句子練習 x 10題 – 下載💕書仔已經排好版，要底面印，從短邊翻頁🤘🏻
