成日都想小朋友可以「自動自覺」可以主動自己完成一件事😅可惜始終都只係願景🙊現實係每一天都要提，都要吹「做咗功課未」「執咗書包未」「練咗ukulele未」…… 諗咗好耐點樣先可以鍛鍊小朋友的「自主能力」呢？
最後設計咗呢本目標支票，重點係要和孩子一起定立目標，討論獎品！讓孩子參與定立目標的過程，知道完成目標是自己的責任。比起家長幫小朋友定立目標，投入度高好多架🤣🤣
支票玩法：
先跟孩子討論目的：讓孩子參與訂立目標，在定立的過程裏明白自己的任務，增加投入感！從而主動去完成目標來獲取自己想要的獎品！
長遠的目標：希望小朋友會把呢個短期目標變成習慣，自動自覺完成自己的責任。
如何定立目標？
1）清晰簡潔 – 唔好定一個太複雜的目標，盡量簡單明確
2）能做到的 – 要定立一個係小朋友能力範圍內能做到的目標，明知佢完全無可能完成的就唔好放入去啦！小朋友嘛，總要多啲成功感先鼓勵到佢再接再厲！
3）要有完成時間 – 一個目標總不能無了期咁做，所以在製定目標的同時，要寫完成日期！逾期就無獎品啦！
4）支票要放在當眼處 – 讓小朋友記得自己有個未完成的目標！
獎品
雖然話咩獎品都得,但作為家長都可以盡量調較小朋友的期望! 獎品未必一定係食物或者要用錢買的!有時可以係家長陪玩,或者去一個新地方之類。
